آخر الأخبار
الأمية تضاعف بنحو الثلث خطر الإصابة بالخرف   الرئيس التونسي يكلف الحبيب الجملي تشكيل الحكومة   الجيش يخوض اشتباكات عنيفة ضد قوات الاحتلال التركي ومرتزقته على مشارف قرية المناخ بريف تل تمر شمال غرب الحسكة   بتكليف من الرئيس الأسد.. الوزير عزام يقدم التعازي بوفاة الشيخ الجليل راكان الأطرش بالسويداء   الجمعية العامة تجدد التأكيد بأغلبية ساحقة على سيادة سورية على الجولان المحتل وتطالب (إسرائيل) بالكف عن استغلال موارده الطبيعية   بسبب التكنولوجيا... شيخ الأزهر يحذر من وحوش الجرائم الجنسية ضد الأطفال   نظام الدفع الجديد بين دول البريكس من الممكن أن يضرب الدولار   Cumhurbaşkanı Esad Rusya 24 Kanalı ve Sivodina Ajansı’na: Suriye’deki Amerikan Varlığı Amerikalılar Arasında Hasarlara ve Çıkmalarına Yol Açacak   Le président al-Assad à la chaîne de télévision Russia 24 et ROSSIYA SEVODNYA : La présence américaine en Syrie donnera naissance à une résistance militaire   President al-Assad: The American presence in Syria will generate military resistance which will exact losses among the Americans, consequently force them to leave   
 الصفحة الرئيسية   شعر

ناديت يا شام .. الشاعر طلال حيدر

ناديت يا شام
ردت هالقلب موجوع
دق الحزن ع القلب فتحتلو الضلوع
شفت الأسد
بإيده عميودع على الدنيي السما
وحوله ملايكة السما تهدي الجموع
والناس متل السيف رافعينه طلوع
يا ريت يرجع هالزمان رجوع

ولا أسمع هبوب الهوا
ولا شوف بيرق هالعزا مرفوع
يا شام
يا شام
لمّا الأسد بينام
بتتيتّم الأيام
بتقرا ع حالا الفاتحة
بتقلك عليك السلام
طلع الصبح لابس سواد الليل ع أسده
حنوا الدني بشار
حمل الحزن عن بلده
قللوا الأسد للموت ما عندي وقت
خليك ناطرني على باب الزمان
ما بتغمض العين حتى يزينوا الجنة بعلم لبنان
ويمرق على قانا المسيح يبارك الشطآن
ويلبسوا أهل الجنوب العبي
من أنوال مطرزة بقرآن
وحده الأسد
وقف هبوب الريح عن لبنان
خلا السفينة تغلب الطوفان
ردّ الخضر من قلب هالتنّين
ضوا الشمع لصورة العدرا
فرحت كنيسة ع جبل صنّين
وحده الأسد رد الزمان
رد الصبح ع الميدنة ورد لنا لبنان
قلتلّنا :
بدنا نعمر وطن مهما إجا من ويل
والوقت ما بينطر حدا لمن بتصهل خيل
ما بقا يساع النهار منستعير الليل
بوعدكن بهالتعب يللي يهد الحيل
هـ الميل ميل القدس والبحر من هـ الميل
ونحنا السد العلي الواقف بوج السيل
وإن عتّمت ضوّوا القمر
يما احرقوا هـ الليل

قلتلّنا :
دقّت طبول الحرب
هبينا سوى لبّيك
والخيل مسروجة وعينيها شاخصة بعينيك
ناطرا تقللا اهجمي
وبس تهجك الخيل بتقلّك
سلام عليك
وهجمت هجمة أسد
دعسة الموت تحت اجريك
والأرض بقيت واقفة ومتمسكة بإيديك
قلتلّنا :
دم الشهيد على أرض الوطن حنة
أشرف الناس وأنبل هـ البشر هني
بس تزعل الأرض بتخلو السما تغني
وبس تغلب الموت بتزغلطلك الجنة
والسلم سلم الأسد
عينه دهر بتشوف لقدام
نحنا بلاد الشام تحت قناطرنا بتحني القمر هالأيام
منا صحاب النبي اللي كسروا الأصنام
ولمن رمينا باب خيبر كبّر الإسلام

  عدد المشاهدات: 8617
 
طباعة
شارك برأيك

الاشتراك بالقوائم البريدية
البريدالإلكتروني: